Norske Fjordar – beste reisemålet i verda, kåra av National Geographic Traveler. Sognefjorden ligg midt i Fjord Noreg og strekkjer seg 204 km frå ytterst i havgapet og heilt inn til foten av Jotunheimen og Jostedalsbreen. Her finn du noko av det vakraste og villaste i Noreg.

VIK - Kulturminne – Jordbrukslandskap – Fiske
Vikøyri ligg som ei perle i ei frodig jordbruksbygd. Naturen omkring er vill og dramatisk. I Vik finn de kulturminne som Hopperstad stavkyrkje, statua av Fridtjov den Frøkne på 22 meter, og Hove steinkyrkje. Andre attraksjonar er Kristianhus båt- og motormuseum, Julehus og galleri, og utsal av gamalost og osterestaurant. Vik Meieri er einaste staden i verda der denne norske tradisjonsmaten stadig vert produsert. Du kan fiske etter aure og laks i elvar og vatn, og vandre og gå på ski i Stølsheimen og Vikafjellet.
Meir informasjon: Sognefjord Reiseliv.

BALESTRAND
Kunst – Kultur – Natur
Den flotte naturen lokka tidlig kunstnarar, keisarar og andre reisande til området. Ved Balestrand strekkjer fleire fjordarmar seg inn mellom høge, snødekte fjell. Ein av dei er Fjærlandsfjorden, og ferjeturen frå Balestrand til Fjærland er ei flott oppleving. Andre opplevingar du bør få med deg frå Balestrand er: tur langs sveitservillaer og andre kulturminner, besøk på Sognefjord Akvarium, St. Olafs kyrkje med anglikanske messer, og vandring i fjella, med eller utan guide.
Meir informasjon: Sognefjord Reiseliv.

LEIKANGER
- Godt klima – Historiske røter - Administrasjonssenter
Sørvende Leikanger er kommunen i Noreg med høgaste gjennomsnittstemperatur i året. Dei eksotiske plantene som vart sette ut i Prestegardshagen på slutten av 18oo-talet for å undersøka dei gode klimatilhøva, veks framleis. Sjå Skrivareiki som er over 250 år. Kvinnafossen i flaumvassføring om våren er og ein attraksjon. Henjatunet kan visa til 4000 år lang historie etter mektige og rike folk. Baldersteinen i Husabø er og eit bevis på historien her. Leikanger har vore administrasjonssenter i over 150 år, og her ligg fylkesadministrasjonen og Vegvesenet sitt regionkontor for Vestlandet.
Meir informasjon: Sognefjord Reiseliv.

SOGNDAL
Sogndal er regionsenteret ved Sognefjorden med 6.600 innbyggjarar. Sogndal kommune er sentralt plassert i høve til fjell, fjord og brear. Dette gjær at dei om sommaren er vertskap for turistar frå alle verdshjørne som let seg fascinere. Med om lag 1500 gjestesenger ved hotell, pensjonat, hyttegrender og campingplassar er kommunen også vertskap for større konferansar.

Fjærland - fjord og bre
I Fjærland strekkjer Jostedalsbreen seg ned til 60 moh, og her finn de og Norsk Bremuseum og Den norske bokbyen.
Meir informasjon: www.fjaerland.org       www.sognefjord.no

Velkommen til AURLAND
Aurland er eit populært reisemål med eit dramatisk naturlandskap. Med bil, buss, tog eller båt har du lett tilgjenge til den fantastiske naturen i Aurland, Flåm, Gudvangen og Undredal.
Dei største attraksjonane: Nærøyfjorden, Flåmsbana, Aurlandsdalen, Aurlandsvegen, Undredal stavkyrkje, Vangen kyrkje, Rallarvegen, Otternes Bygdetun og Lokalhistorisk senter med Galleri Vinjum. Aktivitetar: Fot- og sykkelturar, padling og fjordsafari. Spesialitetar: Aurlandsko og ekte geitost.

Turistinformasjon: [www.alr.no]
Tlf.: 57 63 33 13

LÆRDAL
Lærdalsøyri er kjent for sitt vakre gamle sentrum med 160 verneverdige trehus, der du finn kunstgalleri, husflid, antikk og spennande arrangement og aktivitetar. Sommaren sitt høgdepunkt er Lærdalsmarknaden, som i år finn stad 18. – 20. juni. På Lærdalsøyri finn du også Norsk Villakssenter – opplevingssenteret med fiskesimulator, akvarium og prislønt film! Midt mellom mange historiske vandrevegar ligg Borgund Stavkyrkje (1180) – den best bevarte stavkyrkja i Norge!

[www.laerdal.kommune.no]   
[www.alr.no]

Velkommen til LUSTER
Lustrafjorden er den inste delen av Sognefjorden, og herifrå har du panoramautsikt mot Feigumfossen, med 218 meter fritt fall. Sognefjellet, Nord-Europas høgaste fjellovergang, er for mange første smakebiten av Luster når du kjem frå Gudbrandsdalen og Lom. Her finn du eit storslått utsyn mot dei mektige tinderekkjene Hurrungane i Vest- Jotunheimen, med 24 toppar over 2000 meter. Frå den enorme Jostedalsbreen greinar kjende brearmar seg ned mot Jostedalen. Den Norske Turistforening har mange merka ruter både i Breheimen og Jotunheimen.

Tlf.: 57 68 55 00
[www.lustertourist.com]

ÅRDAL – innerst i Sognefjorden
Årdal er porten til Jotunheimen frå vest. Innover langs fjorden, eller over 2 mektige fjellovergangar, er turen til tettstaden ei oppleving. Fjellvegen Årdal – Turtagrø, "Tindevegen", knyt Årdal til Sognefjellsvegen. Området byr på ei mengde opplevingar i ein mektig og dramatisk natur. Årdal er og kjend for sine flotte oppvarma friluftsbad, og du kan vitja gamle gardar og kulturskattar, få servering, overnatting og guiding, som ved kulturperla Indre Offerdal. Eller velja mellom mange fotturar på godt oppmerka turstiar.

UTLADALEN
Omtala som Noregs Grand Canyon. Ein viktig del av Årdal er Utladalen landskapsvernområde. Unik natur, omkransa av eit femtitals høge tindar over 2000 m, djupe dalføre og høge fossefall. Her finn du Vettisfossen som er Nord- Europas høgste frie fossefall, heile 275 m. Her er Hjellefossen og Avdalsfossen, Avdal gard og Vetti gard. I Naturhuset er det utstilling, T-info og kafé.

Meir informasjon:
SOGNEFJORD REISELIV
Pb 53, 6898 Balestrand
Tlf.: 57 69 16 17
Faks: 57 69 14 31

[www.sognefjord.no]
e-post: reiseliv@sognefjord.no

Foto: Magnhild Aspevik
Vettisfossen - Norges og Nordeuropas høgste frie fossefall på heile 275m!